Ku wa kane w'icyumweru gitaha, tariki ya 30/08/2012, mu karere ka Nyamasheke hazatangizwa ku mugaragaro igikorwa cyo gutanga umusanzu uzashyirwa mu kigega cyiswe "agaciro development fund", kigamije gushyigikira ingengo y'imari ya leta nk'uko byatangajwe n'umuyobozi w'akarere ka Nyamasheke, Habyarimana Jean Baptiste, mu nama y'umutekano yaguye yateranye tariki ya 21/08/2012.
Muri iyi nama, umuyobozi w'akarere yasabye abayitabiriye gushishikariza abaturage kwihesha agaciro batanga umusanzu wabo, kandi bakanaharanira gukora ngo biteze imbere baharanira kwihaza mu byo bakenera kuko nabwo ari ukwihesha agaciro, ubu butumwa bakazabutanga babasobanurira neza icyo bigamije kugira ngo bizagere ku ntego.
Yavuze ko abaturage batumva ko bazatanga umusanzu wo kuziba icyuho cy'abanyamahanga basubitse inkunga bageneraga u Rwanda, ahubwo ko ari igikorwa kizahoraho kugeza u Rwanda rubashije kwihaza biturutse mu maboko y'abanyarwanda.
Aha, umuyobozi w'akarere yatanze urugero ku bihugu byajyaga bisindagizwa n'ibindi bikaba byarishatsemo ibisubizo, ubu bikaba bibarirwa mu bihugu byifashe neza mu bukungu.
Lieutenant colonel Masumbuko, uyobora ingabo zikorera mu turere twa Nyamasheke na Rusizi, yasabye ko agaciro development fund yakwinjizwa mu bana bato kugira ngo bazakure bafite umugambi wo gufasha igihugu kwihaza.
Abaturage kandi ngo bakwiye kumva ko batagomba gutanga amafaranga gusa, ko bashobora no gutanga imyaka n'ibindi bumva bashoboye kuko nabyo iyo bigwiriye bibyazwa amafaranga akaba yatanga umusanzu nayo mu guteza imbere igihugu.
Abayobozi bakuru b'igihugu nibo bafashe iya mbere batanga umusanzu wa miliyoni zirenga 30, kandi ngo gutanga uyu musanzu ni ubushake bw'umuntu ntabwo ari itegeko, ukazajya unyuzwa ku makonti yafunguwe muri banki zitandukanye.
Posts Related to Rwanda | Nyamasheke: Mu cyumweru gitaha hazatangizwa agaciro development fund ku mugaragaro.
Umuyobozi w'akarere ka Kayonza wungirije ushinzwe imibereho myiza y'abaturage, Mutesi Anitha, arasaba abaturage bo mu murenge wa Rukara kuzagira ubutwari bwo gutanga umusanzu mu kigega ...
Mu muhango wo kwibuka abari abakozi ba leta bakoreraga mu makomini yahindutse akarere ka Nyamasheke wabaye tariki ya 12/05/2012, honorable depite Mwiza Espérance, uyoboye komisiyo ...
tariki ya 09 werurwe,2012 ubuyobozi bw'akarere ka Nyamasheke bwagiranye inama n'abanyamabanga nshingwabikorwa b'imirenge, bamwe mu bagize inama njyanama, n'abandi batandukanye, igamije kubagezaho ibyavuye mu mwiherero ...
Mu gihe mu Rwanda turi mu kwezi kwahariwe imiyoborere myiza, twegereye abaturage b'akarere ka Nyamasheke maze badutangariza uko bumva imiyoborere myiza ndetse n'umuyobozi uyobora neza ...
Mu gikorwa cyo guha abana bafashwa na global fund ibikoresho by'ishuri, Umuyobozi w'akarere ka nyamasheke wungiririje ushinzwe imibereho myiza y'abaturage, Gatete Catherine, tariki ya 31 ...
0 comments:
Post a Comment