Inzobere mu mbonezamirire zivuga ko muri rusange ngo ifunguro ridukwiye kandi riboneye ( Alimentation Equilibrée et Saine ) rigomba kuba ari ifunguro ririmo ibyo kurya byubaka umubiri.
Bimwe mu byifashishwa gutunganya indyo yuzuye
Mu kiganiro na Dr. Muhairwe Fred avuga ko iryo funguro riba rigizwe n'ibishyimbo, amashaza, amata, amagi n'ibindi.
Ati "na none nk'urundi rugero rigomba kuba ari ibyo kurya bitera imbaraga higanjemo ibinyampeke, amasaka, umuceri, ibigori, ibinyamafufu, ibinyabijumba, imyumbati, ibirayi, amateke ndetse n'amavuta. Iryo funguro kandi rigomba kubonekamo ibyo kurya birinda indwara. Urugero : imboga rwatsi, renga renga, dodo, isombe, cora (ibibabi by'amateke), ibibabi by'ibijumba, umushogoro n'ibindi".
Dr. Muhairwe avuga ko umuryango w'abibumbye wita ku buzima OMS waje gusanga urwo rutonde rudahagije kugira ngo umuntu agire ubuzima bwiza. Nibwo waje gukora urundi rutonde maze ushyira ibyo kurya mu bice birindwi umubiri ukeneye.
Igice cya mbere kigizwe n'amagi, inyama, amafi. Igice cya 2 kigizwe n'amata n'ibiyakomokaho. Igice cya gatatu kigizwe n'ibinyampeke, ibinyamisogwe n'ibinyamafufu. Igice cya 4 kigizwe n'amavuta n'ibindi bikungahaye ku mavuta. Igice cya 5 kigizwe n'imbuto n'imboga. Icya gatandatu kigizwe n'isukari n'ibiyikomokaho. Igice cya karindwi kigizwe n'amazi.
Mu gukomeza kuvuga ku ifunguro ridukwiye, Dr. Muhairwe yavuze ko iyo urebye urutonde rwa mbere rwibyo kurya usanga arirwo abantu benshi bazi muri rusange. Naho urutonde rwa kabiri ni uruza rushimangira kugira ubuzima bwiza bwa muntu kurushaho kuko umubiri uba wabonye intungamubiri ukeneye.
Yagize ati" Kugira ngo rero umuntu agire ubuzima bwiza ni ngombwa ko iryo gaburo ritaba ririmo microbe cyangwa n'ikindi cyose gishobora kwangiza umubiri w'umuntu".
Muganga Muhairwe avuga ku igaburo abantu bakwiye kwirinda. Ku isonga haza ibiribwa bacuruza ku mihanda ndetse nibyirirwa bizereranwa ku gataro. Na none hakwiye kwirindwa ibiribwa byarangije igihe cyangwa se bitaranditsweho igihe bizarangirira.
Abantu bakwiye kwirinda kandi ibiribwa bitekeye ahantu hari umwanda ndetse bakirinda kurushaho ibiribwa bidahiye cyane cyane inyama aho zigomba kubizwa kuri dogere 100. Bagomba no kwirinda ibyo kurya bivanze ku buryo butemewe n'amategeko y'ikigo cy'igihugu cy'ubuziranenge.
Kwirinda kandi ibiribwa byanduye urugero nk'amavuta. Ngo iyo amavuta yakoreshejwe si byiza kongera kuyatekesha ibindi biribwa. Ibindi byo kwirindwa n'ibikombe bihombanye cyangwa byamenetse birimo ibiribwa hamwe no kwirinda ibiribwa bibitse nabi cyane cyane amata n'inyama.
Posts Related to Rwanda | Ifunguro ryuzuye ni irigizwe n'ibiki
Aya magambo Dr. Damascène yayavugiye mu gikorwa cyo gutangiza gahunda yo guha abana amata mu Karere ka Huye cyabereye mu Murenge wa Rusatira. Nk'intumwa ya ...
Imirire ni ubumenyi bwiga ibyo kurya n'uburyo bigirira akamaro umubiri ubyakira. imirire ni ikintu cy'ingenzi cyane mu buzima kuko indwara zimwe na zimwe zifite ...
Ababyeyi batwite bo mu karere ka Gicumbi mu ntara y'amajyaruguru barakangurirwa kurya neza kuko bigira ingaruka nziza k'ubuzima bw'umwana baba batwite. Dr. Muhairwe Fred Mu ...
Ibirayi ni ibiribwa bifitiye akamaro kanini umubiri, mu gihe bitetswe mu buryo bunogeye umubiri, dore ko usanga bikungahaye ku ntungamubiri zikenerwa cyane n'abantu bakora imirimo ...
Igaburo riboneye rirakenewe ku bantu bose ariko hari ibyiciro by'abantu bakeneye inyongera z'ifunguro ribakwiye. Mu kiganiro na Dr.Muhairwe Fred mu nganga mukuru w'ibitaro bya Byumba ...
0 comments:
Post a Comment