Umuseke: Umwana yakoze urugendo wenyine n’indege nta kimuranga na kimwe yerekanye

Umuseke Amakuru yose mu Kinyarwanda!

Umwana yakoze urugendo wenyine n'indege nta kimuranga na kimwe yerekanye Jul 25th 2012, 16:13 Umwana w'umuhungu w'imyaka 11 yipakije indege kuva i Manchester kugera i Roma nta passport, nta ticket ndetse nta n'umubyeyi bari kumwe. umwana w’umuhungu yarabacitse kugeza ubwo indege imujyanye i Roma Uyu muhungu yabashije guca mu rihumye abashinzwe umutekano no kureba niba abinjira mu ndege bujuje ibisababwa agenda yikinga ku miryango y'abandi kugeza yinjiye mu ndege. Kuwa kabiri tariki 24 Nyakanga, Indege igeze mu rugendo hagati nibwo baje kubona ko uyu mwana yinjiye muri ubwo buryo nta mubyeyi bari kumwe. Umuvugizi w'ikibuga cy'indege cya Manchester yavuze ko hari umubare w'abakozi bashinzwe abinjira mu ndege bamaze guhagarikwa kubera ibyo uyu mwana yakoze. Mu gihe uyu mwana yari kumwe na nyina bahaha mu mujyi wa Manchester hafi y'ikibuga cy'indege hashize umwanya umwana nyina aramubura. Mu gihe kitari kinini barebye ku mashusho (CCTV) yo mu nyubako bahahiragamo babona ko umwana yasohotse akerekeza ku kibuga cy'indege. Abakozi bahagaritswe ku kibuga cy’indege bakaba bazize uburangare bwo kuba uyu mwana w'umusore yarabacitse akarinda agera aho ajya mu ndege nta cyangombwa na kimwe akerekeza i Roma. Kugeza ubu hari kwibazwa uburyo uyu mwana yabashije gucengera agaca mu rihumye umutekano n'igenzura bikomeye biba ku kibuga cy'indege. Nubu ngo haracyakorwa iperereza nkuko byemezwa na Justine Greening umunyamabanga w'ibijyanye n'ubwikorezi ku kibuga cy'indege cya Manchester. Uyu mwana akaba yarageze i Roma ubundi agarurwa i Manchester n'indi ndege yo kuri uyu wa kabiri nimugoroba ashyikirizwa umuryango we. Egide RWEMA UMUSEKE.COM

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

Related Posts by Categories