Umwana akenera amashereka
Konsa umwana ni kimwe mu bintu by'ingenzi umwana akenera kugirango akure neza kandi azagire ubuzima bwiza , hari ibyiza byinshi byo konka ku mwana nubwo muri rusange tuziko ari kugaburira umwana igihe akiri muto,ariko ubusanzwe konka si umwana bigirira akamaro gusa kuko na nyina ubwe bimufasha iyo yonsa.
Muganga mukuru mu bitaro bya Byuma Muhairwe Fred avuga ko hari ingaruka nziza zo konsa umwana arizo, kuba amashereka afasha umubyeyi kuzigama (gucunga umutungo) kuko adahenze nk'amata y'ifu.
Ati " akenshi iyo umubyeyi yonsa aba afite umurongo mwiza , kuko atakaza ibiro byakagombye kwiyongera mugihe atonsa. Konsa kandi bituma umubyeyi atinda kujya mu gihe cy' uburumbuke".
Avuga ko amashereka afite urugero rwiza rw' ubushyuhe kuburyo nta mpungenge zo gushya igihe umwana ari konka.
"Konka bituma umwana agira ubudahangarwa bw' umubiiri we mu buryo budasanzwe. Mubyukuri amashereka agabanya ingaruka z'asima (asthme), indwara zo mu buhumekero ndetse n'ibindi byinshi bihangara ubuzima cyane cyane ubw' umwana" .
Iyo umubyeyi amaze kubyara , umubiri we ukora umusemburo witwa colostrum ufasha umwana kurinda ubudahangarwa bw' umubiri we kugeza igihe azakurira.
Konsa bigabanya cyane ingaruka zatuma umwana arwara Kanseri y'ibere (Cancer du sein).
Ntitwakwibagirwa kandi ko konsa bihuza umwana n'ababyeyi be by'umwihariko nyina.
0 comments:
Post a Comment