Muri iki cyumweru, Liam Corcoran-Fort wavuzwe cyane mu bitangazamakuru kubera guca mu rihumye abashinzwe umutekano akajya mu ndege ntawubimenye, yatangiye kwigishwa gutwara indege.
Umuhungu yatangiye kwigishwa indege
Uyu muhungu w'imyaka 11 gusa, kuri uyu wa kane yajyanywe mu ndege ariko noneho afite uruhushya, ndetse anigishwa uko bayitwara.
Uyu mwana yajyanywe muri "private Jet" maze yicazwa aho abatwara batwarira bamwereka uko bikorwa. Akihagera ngo nta bwoba na bucye yagaragaje.
Liam yateje kwikanga gukomeye ku bashinzwe ibibuga by'indege n'abagenzi bazinjiramo nyuma y'uko agiye mu ndege ikamujyana i Roma avuye i Manchester. We avuga ko yinjiye muri iyi ndege mu gihe yishakiraga aho yihagarika.
Abantu bagera kuri batanu bari bashinzwe kugenzura abinjira mu ndege ku kibuga cy'indege i Manchester ubu bahagaritswe mu kazi kabo by'agateganyo kubera ibyakozwe n'uyu mwana umaze kumenyekana cyane mu bwongereza.
Mu ndege ya P68, uyu mwana yajyanywemo kuri uyu wa kane, akaba yaratemberejwe ikirere, yerekwa uko indege itwarwa, maze agaragaza ibyishimo no gushira amatsiko dore ako avuga ko yikundira cyane indege ndetse yumva azaba umupilote wazo.
the Sun
Egide RWEMA
UMUSEKE.COM
0 comments:
Post a Comment