Mu gihe ibintu bikomeje kumera nabi muri Syria, ubu biremezwa ko umugore wa President Bashar al Assad yamaze guhungira mu Uburusiya nyuma y'uko batatu mu bamurinda bahitanywe n'ingabo z'abigometse ku mugabo we.
President Bashar al Assad kuva ibyegera bye byakwicwa ntaragira icyo atangaza/photo AP
President Assad nawe kuva kuri uyu wa gatatu Ministre w'ingabo n'umwungirije wari muramu we bakicwa mu gitero cy'ubwiyahuzi bw'abamwigometseho, nawe ngo ntiyongeye kugaragara ndetse ngo yaba yahunze umurwa wa Damascus akerekeza mu mujyi wa Latakia uri ku nkengero z'inyanja.
Intambara ni yose mu bice bitandukanye by'umurwa mukuru Damascus no mu gihugu hose, abantu bagera kuri 200 bose bitabye Imana kuri uyu wa gatatu gusa.
Imiryano hagati y'abigometse kuri Assad n'ingabo zikimushyigikiye ngo yaba igeze ahakomeye kuva mu mezi 16 ashize bamurwanya.
Inama y'umutekano ya Loni (UN) kugeza ubu ntirafata umwanzuro ku biri kubera muri Syria. Ministre w'intebe w'ubwongereza David Cameron we akaba yamaze gusaba ko President Assad yakwegura ntayandi maniza.
Nubwo President Assad adakunze kugaragara avuga mu bitangazamakuru, ariko ngo nitbisanzwe ko igihugu kigira amage nk'ariya yo gupfusha abayobozi bakuru b'ingabo ngo President ntatange ihumure. Abakurukira ibya Syria bahera kuri ibi bemeza ko uyu mugabo yaba yafashe iy'ubuhungiro.
Mu murwa mukuru Damascus imirwano iraca ibintu/photo AFP
AFP
Egide RWEMA
UMUSEKE.COM
0 comments:
Post a Comment