Abantu benshi bavuga ko impungure (ibigori bihunguye kandi byumye) ari ibiryo by'abanyururu n'abasirikare bari ku rugamba, ibyo bigakorwa mu rwego rwo kumvikanisha ko ari ifunguro rigayitse. Nyamara mu karere ka Ngororero impungure ni kimwe mu bigize ifunguro rikunzwe ndetse bamwe bakaba banazifata ku ifunguro ryabo rya buri munsi.
Ubusanzwe biramenyerewe ko iyo umuntu yavuye iwabo akajya ahandi kubera impamvu zitandukanye, nyuma iyo agarutse baramwitegura (kumuhishira ). Hari abantu bo muri aka karere baba hanze yako ubaza uti ukumbuye iki, nawe ati nkumbuye impungure, cyangwa yaba ari munzira yerekeza iwabo agahamagara ati muntekere impungure.
Iyo ugiye mu mazu ateka akanagaburira abantu batandukanye (restaurents) usanga bateguye amafunguro atandukanye harimo n'impungure, ndetse ukumva hari abaza arizo baje kwirira zonyine. Nubwo gukunda iri funguro ahanini ngo byatewe n'uko abaturage bo muri aka karere babyirutse barya impungure, ariko abahanga mubyo guteka banavuga ko impungure zifite ibitunga umubiri bihagije akaba ari nayo mpamvu zikunze kwitabazwa aho byakomeye.
Umwe mu bantu bize ibyo guteka no kugabura witwa Claudine Mukamana avuga ko burya ntampamvu yo gusuzugura ikiribwa runaka mugihe utaramenya icyo kimariye umubiri. Aha atanga urugero rw'abagabo bavuga ko imineke ari iy'abana n'abagore, nyamara bagira ikibazo cy'uburwayi bakabategeka kuyirya kandi bakabikora. Impungure rero burya ngo ni ikiribwa kihagazeho kuburyo buri muntu yagombye kujya azifata uko abishoboye.
Posts Related to Rwanda | Ngororero: Impungure ni igaburo rikunzwe
Abagororwa bahishije ibigori Abaturage bo mu karere ka Nyamagabe batangaza ko ibigori cyimaze kubageza kuri byinshi kuko ari ikiribwa kifashishwa ahantu hose nko mu ...
Inama mbonezamirire zitandukanye, zikangurira abantu kurya imboga n'imbuto kuri buri funguro mu rwego rwo kurya indyo yuzuye no gufasha urwungano ngogozi gukora akazi karwo. Iyo ...
Igihembe ni ifunguro ritegurwa hifashishijwe ibishyimbo byumye ariko batonoye. Uko babitegura nibyo tugiye kurebera hamwe. Mu gutegura igihembe, bafata ibishyimbo bakabitogosa, byamara guhinura (abandi bita ...
Abantu bakunze gufata amafi kenshi mu ndyo yabo baba bafite amahirwe menshi yo guhashya indwara nyinshi zitandukanye harimo n'iza cancer y'impyiko. Amafi afasha ubwonko gukora ...
Ubuyobozi bw'akarere bugiye kujya butanga ibihano birimo no guhagarikwa gucuruza, ku bacuruzi b'ibiribwa bagaragaza isuku nke, bakorera mu masoko yo mu karere ka ngororero. Mu ...
0 comments:
Post a Comment