Rayon Sports yatsinze Amagaju

Ni umukino Rayon Sports nk'uko bimaze iminsi igenda yatangiye ihusha uburyo bwari bwabazwe bwo kubona igitego, aho abakinnyi nka Michael Sarpong na Bimenyimana Bonfils Caleb bari batangiye bahusha ibitego byabazwe, umunyezamu Twagirimana Pacifique w'Amagaju akababera ibamba.

Umunyezamu w'Amagaju yakuyemo imipira myinshi yari yabazwemo ibitego

Ku munota wa 11 w'umukino, Rayon Sports yatsinze igitego cya mbere, igitego cyatsinzwe na Bukuru Christophe, ari nacyo gitego cya mbere yari atsinze kuva yagera muri Rayon Sports avuye muri Mukura VS.

Bimenyimana Bonfils Caleb nyuma yo gutsinda igitego yaje kugaragaza ikibazo yitabwaho n'abaganga
Igice cya mbere cy'umukino cyaje kurangira ari gitego 1-0, mu gice cya kabiri kigitangira, Bimenyimana Bonfils Caleb wari uvuye mu bihano by'imikino itanu, yatsindiye Rayon Sports igitego cya kabiri, ari nako umukino waje kurangira Rayon Sports yegukanye amanota atatu.

Related Posts by Categories