Umuseke: Messi, Ronaldo na Iniesta bagiye guhatanira UEFA Best Player

Umuseke Amakuru yose mu Kinyarwanda!

Messi, Ronaldo na Iniesta bagiye guhatanira UEFA Best Player Aug 14th 2012, 15:20 Lionel Messi na Cristiano Ronaldo bongeye guhatana, ubu ni ukumenya umukinnyi mwiza i Burayi, hiyongereyeho na Andres Iniesta. Iniesta, Messi na Ronaldo tuzamenya uzatsinda tariki 30 z’uku kwezi Umwaka ushize Lionel Messi niwe wegukanye igihembo cya UEFA Best Player. Uyu mwaka hagati ya Messi, Ronaldo na Iniesta uzatsinda azamenyekana tariki 30 z'uku kwezi i Monaco mu gihe bazaba banatombola uko amakipe azahura mu matsinda ya Champions Ligue. Kuri uyu wa kabiri nibwo UEFA yatangaje abo bakinnyi batatu bakuwe mu rutonde rw'abakinnyi 32 bitwaye neza kurusha abandi bose i Burayi muri 'Saison' ishize. Itsinda ry'abanyamakuru 53 b'imikino nibo bagabanyije abo 32 bemeza ko Andres Iniesta ukinana na Lionel Messi ndetse na Cristiano Ronaldo aribo beza bagomba gutorwamo umwe uhiga abandi bose. Umukinnyi wegukanye iki gihembo akenshi aba ahabwa amahirwe yo kwegukana igihembo gitangwa mu kwezi kwa mbere cya FIFA Ballon d'Or,  ubushize kikaba cyaregukanywe na Lionel Messi. Hakurikijwe amajwi y'abanyamakuru batoye, inyuma y'aba batatu ba mbere ari nabo bazahatana haje; 4. Andrea Pirlo  (Juventus) 5. Xavi Hernandez (Barcelona) 6. Iker Casillas  (Real Madrid) 7. Didier Drogba  (Chelsea, ubu na Shanghai Shinua) 8. Petr Cech (Chelsea ) 9. Radamel Falcao   (Atletico Madrid) 10. Mesut Ozil  (Real Madrid) UEFA Hatangimana Ange Eric UMUSEKE.COM

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

Related Posts by Categories