"Manchester United yishimiye gutangaza ko yageze ku bwumvikane na Arsenal FC mu kuzana Robin Van Persie" byanditse mu itangazo ryasohowe n'iyi kipe kuri uyu wa gatatu nijoro.
Robin Van Persie yagurishijwe mu bakeba ba Arsenal
Uyu mukinnyi kuri uyu wa kane arakorerwa ibizami byo kureba uko ubuzima bwe buhagaze maze mu masaha aza kuza Manchester United imwerekane nk'umukinnyi wayo mushya.
Nyuma y'Imikino y'igikombe cy'Uburayi ya 2012, Van Persie yahise atangariza Arsenal ko ashaka kuva muri iyi kipe yo mu majyaruguru ya Londres kuko imigambi yayo ngo yabonaga idahuye n'iye.
Ibi byaje nyuma y'uko uyu mukinnyi agize ibihe byiza cyane mu mwaka ushize wa shampionat aho yatsinze ibitego 37 mu marushanwa yose, ndetse aza gutorwa nk'umukinnyi w'umwaka n'ishyirahamwe rya bagenzi be bakina mu Bwongereza.
Hagati ya Arsenal na Manchester United ntihatangajwe amafaranga imwe yahaye indi kuri uyu mukinnyi, gusa ibitangazamakuru bitandukanye mu Bwongereza bihuriza kuri hagati ya Miliyoni 20 na 25 z'amapound.
Birashoboka cyane ko Robin Van Persie yakinira Manchester United umukino wa mbere wa shampionat kuwa mbere bakina na Everton.
Kuva Manchester yagura Dimitar Berbatov mu 2008 muri Tottenham kuri miliyoni £30.75, Transfer ya Van Persie niyo igiye kongera guhenda Man U
Egide RWEMA
UMUSEKE.COM
0 comments:
Post a Comment