Mu gihe hasigaye iminsi ibiri gusa ngo ibarura rusange rya kane mu Rwanda ritangire, ubuyobozi bw'akarere ka Nyamagabe bukomeje gukangurira abaturage kugira uruhare basabwa muri iri barura naho abaturage bakaba batangaza ko biteguye gukora ibyo basabwa kugira ngo rikorwe neza.
Umuyobozi w'akarere aganira n'abaturage bo mu murenge wa Musebeya
Abaturage batangaje ko biteguye
Guhera tariki ya 16 kugeza tariki ya 30/08/2012, mu Rwanda hose hazaba habera igikorwa cy'ibarura rusange rigiye kuba ku nshuro ya kane.
Ikigo cy'igihugu cy'ibarurishamibare giherutse gutangaza ko iri barura rigamije "kumenya umubare nyakuri w'abaturage mu Rwanda" kugira ngo byoroshye ifatwa ry'ibyemezo bijyanye no guhindura ubukungu ndetse n'ubuzima by'Abanyarwanda muri rusange.
Ubuyobozi bw'akarere ka Nyamagabe bwo bukomeje gushishikariza abaturage kwitabira iri barura ndetse bakanarigiramo uruhare basabwa.
tariki ya 13/08/2012 ,Mugisha Philbert, umuyobozi w'akarere ka Nyamagabe yaganiriye n'abaturage bo mu murenge wa Musebeya abasaba gufasha abakarani b'ibarura batanga amakuru nyayo ku bibazo bazaba babajijwe.
Mugisha Philbert wari uherekejwe n'abandi bayobozi ku rwego rw'akarere ndetse n'abanyamabanga nshingwabikorwa b'imirenge yose ya Nyamagabe, yagize ati " muzitabire neza ibarura kandi mwakire neza abakarani b'ibarura."
Bamwe mu baturage twaganiriye batangaje ko bazi neza icyo basabwa gukora mu gihe cy'ibarura kandi biteguye.
Nyirambanza Seraphine, utuye mu kagari ka Nyarurambi mu murenge wa Musebeya ati " ibarura turaryiteguye kandi tuzarigiramo uruhare."
Ni ku nshuro ya kane ibarura rusange ribaye mu Rwanda nyuma y'amaburura yabaye mu 1978, mu 1992 no muri 2002. Ibarura ryo mu 2002 ryagaragaje ko Abanyarwanda bari miliyoni umunani naho ubu ikigereranyo cyerekana ko Abanyarwanda bageze kuri miliyoni 11.
Posts Related to Rwanda | Nyamagabe: Abaturage biteguye kugira uruhare mu ibarura.
Abarimu bazakora ibarura mu karere ka Nyamagabe baratangaza ko biteguye gutanga amakuru y'ukuri ubwo bazaba bari muri iki gikorwa. Bamwe mu barimu bitabiriye amahugurwa ku ...
Mu gihe hasigaye amezi atagera kuri atatu ngo ibarura rusange ritangire mu gihugu, abafite uruhare mu gutegura ibarura mu karere ka Nyamagabe baratangaza koimyiteguro y'iki ...
Ikigo cy'igihugu gishinzwe ibarurishamibare mu Rwanda kuri uyu wa 29/05/2012 basobanuriye abayobozi batadukanye bo mu karere ka Kirehe aho igikorwa cy'ibarurarusange ry'abaturage n'imiturire mu Rwanda ...
Abarimu 377 bazabarura mu ibarura rusange rizatangira kuwa 16 kanama 2012, batangiye amahugurwa mu mujyi wa Rwamagana, aho babwiwe ko igikorwa bagiyemo ari gahunda ikomeye ...
Mu nama yabereye mu karere ka Nyanza tariki12/03/2012 ihuje umukozi w'ikigo cy'igihugu gishinzwe ibarurishamibare mu Rwanda NISR n'ubuyobozi bw'akarere ka Nyanza yatangaje ko ibarura rusange ...
0 comments:
Post a Comment