Abavuye ku rugerero bo mu karere ka Ngororero bazwi ku izina ry'Inkeragutabara barashimira komisiyo ishinzwe gusubiza mu buzima busanzwe abahoze ari abasirikare kubera amahugurwa y'imyuga bahabwa ku bufatanye n'iyo komisiyo kuko ngo bibafasha kubaho badakennye kandi barakoreye igihugu.
Ibi babivuze nyuma y'uko hongera gutangira gahunda yo kubahugura mu myuga itandukanye aho iyo komisiyo ariyo yishyura amafaranga yose arebana n'amasomo. Umwe muri ba rwiyemezamirimo ukorana niyo komisiyo mu guhugura inkeragutabara Bisengimana Michel ufite ikigo kigisha imyuga y'ubukanishi bw'ibinyabiziga, amashanyarazi, gusudira, ubwubatsi n'ibijyanye n'amazi, ukorera mu murenge wa Kabaya, yadutangarije ko abo ahugura abona babizi kandi bahita babona akazi hirya no hino mugihugu.
Bisengimana avuga ko bitewe na gahunda abiga bihitiyemo, hari amasomo atangwa mu masaha 460 mu gihe cy'amezi 4, hakaba n'andi amara igihe cy'umwaka hakiyongeraho n'amezi 3 yo kwimenyereza umwuga.
Nubwo hari bamwe mubakeneye ayo mahugurwa bavuga ko bahura n'imbogamizi y'uko rimwe na rimwe ibyo bifuza gukurikirana bitangirwa kure y'aho batuye, bashima komisiyo ibashinzwe ko itabatererana bityo bigakomeza kubaha icyizere cy'uko bagifitiye igihugu akamaro.
Muri uyu mwaka wa 2012 abagera kuri 50 bashoje amasomo yabo mu myuga itandukanye, abandi ubu barimo kwiyandikisha kugirango bazatangire amasomo mukwezi kwa cyenda. Muri rusange igiciro cy'amasomo yose atangwa kugeza umunyeshuri arangije kwiga ni ibihumbi 132 n'amafaranga 200.
Posts Related to Rwanda | Ngororero: Abavuye kurugerero barashima inyigisho z'imyuga bahabwa
Komisiyo y'igihugu y'amatora imaze guhugura ibyiciro bitandukanye birimo n'abafite ubumuga mu karere ka Nyamagabe, kugirango basobanukirwe na demokarasi, imiyoborere myiza bityo nabo bashobore kwigisha bagenzi ...
Mu gihe abakorana na societe civil mu karere ka Gatsibo bavuga ko bari basanzwe bahangana na komisiyo y'amatora mu gihe cy'amatora, ubu ngo basobanukiwe n'uruhare ...
Abanyamadini bo mukarere ka Ruhango, bavuga ko mu baturage hakiri imyumvire micye ku bijyanye na demokarasi n'imiyoborere myiza. Bakaba basanga komisiyo y'amatora idakwiye kwita ku ...
Nyuma yo gutezwa imbere mu bundi buryo burimo kwigishwa imyuga, kubakirwa amazu, kwigishwa kwihangira imirimo n'ibindi, ubu ikigezweho n'ugukangurira Inkeragutabara zarangije amashuri yisumbiye kujya kwiga ...
Abanyeshuri bagera ku 104 batorewe guhagararira abandi mu ihuriro ry'abanyeshuri mu karere ka Kamonyi, barahugurwa na Komisiyo y'amatora ku ruhare rw'abanyeshuri mu kwimakaza demokarasi n'imiyoborere ...
0 comments:
Post a Comment