steve blake
Los Angeles Lakers ni imwe mu makipe afite 'ibigwi muri iyo shampiyona ya mbere ya Basketball ku isi nzima, aha akaba akinana n'ibihangange nka Kobby Bryant, Paul Gasoil ndetse na Dwight Howard warangije kubasanga I Staples Center.
Uyu munyamerika, aje ku butumire bw'ikipe ya The pebbles Christian Basketball team, iyi ikaba ikina Basket ariko ngo inatanga ubutumwa bw'Imana. Rogers Rukundo ni umuyobozi w'iyi kipe aratubwira byinshi birenze kuri iki gikorwa.
"Dufite ubufatanye na African New Life abo nabo hari uburyo bakoranaga na Steve Blake". Rogers Rukundo. Twarabegereye ngo turebe uburyo nawe yazagaragara mu gikorwa twateguye kizaba kuwa gatatu tariki 15 maze baratwemerera, "twabigejeje ku ishyirahamwe rya basketball mu Rwanda nabo barabishima".
Nkuko byari biiteganyijwe uyu munsi mbere ya saa sita Blake kuri Petit stade yakoranye imyitozo n'abana bato ndetse we n'abo bazanye bakinnye umukino wa gicuti n'iyi kipe ya the pebbles.
Steve Blake ari kuri petit stade mu mukino wa gicuti
Igikorwa nyamukuru kiraba kuri uyu wa gatatu tariki ya 15/08 aho kuri Petit stade bazahura n'abatoza batandukanye ndetse n'abandi mu rwego rwo gusangira ubumenyi muri uyu mukino.
Ibi bikazasozwa n'umukino wa gicuti hagati y'ikipe ya The Pebbles izaba inakinamo uyu Steve Blake na Kigali Basketball Club yatwaye shampiyona ya Basketball y'umwaka ushize. Aha hakaba haranatumiwe andi makipe atandukanye.
Ubwo Richard Mutabazi, umunyamabanga mw'ishyirahamwe ry'umukino wa Basketball mu Rwanda yavugaga kuri uru ruzinduko, yatangaje ko hari kinini bazungukira mu kuba Blake ari mu Rwanda Atari wenda ubumenyi buhambaye kuko iminsi izaba ari mikeya, ariko akazasiga hari umubano mwiza hagati ye n'ishyirahamwe ry'umupira w'amaguru mu Rwanda.
Source: Ruhagoyacu
Post By :: Elvis SHEMA / ibishya.biz
0 comments:
Post a Comment