Umuseke: Syria: Ministre w’Ingabo yaguye mu gitero cy’abiyahuzi

Umuseke Amakuru yose mu Kinyarwanda!

Syria: Ministre w'Ingabo yaguye mu gitero cy'abiyahuzi Jul 18th 2012, 15:57 Ministre w'Ingabo wa Syria Gen. Daoud Rajiha ndetse na muramu wa President Assad witwa Assef Chawkat, baguye mu gitero cy'umwiyahuzi kuri uyu wa gatatu ubwo bari mu nama mu murwa mukuru Damascus. Gen. Daoud Rajiha wari Ministre w’Ingabo yazize igitero cy’umukamikaze’/photo Internet Iki ni igitero gikomeye kuko gihitanye abagabo b'inkoramutima za President Bashar Hafez al-Assad utorohewe n'abatavuga rumwe nawe ndetse n'igitutu cy'amahanga. Kuva batangira kwamagana ubutegetsi bwa Bashar al Assad mu kwezi kwa gatatu 2011 iki nicyo gitero gikomeye gihitanye abayobozi bo kuri bene uru rwego rukuru. Iki gitero cyabaye ubwo Ministre w'ingabo Daoud Rajiha, muramu wa President Asaad witwa Assef Chawkat wungirije Daoud Rajiha, ndetse n'ibindi bikomerezwa by'ingoma ya Assad bari mu nama ariko banakurikirana itorwa ry'icyemezo gifatirwa Syria mu nama y'akanama k'umutekano ka Loni (UN). Nkuko byemejwe na Television ya Syria Generali Daoud Rajiha, wari umukilisitu, we na bagenzi bari muri iyi nama bahitanywe n'igitero cy'umwiyahuzi wari wiziritseho ibisasu wabashije kumenera muri iyi nzu bari bateraniyemo i Damascus. Mohammad Ibrahim al-Chaar Ministre w'Ubutegetsi bw'igihugu wari muri iyi nama ngo yakomeretse bikomeye ariko ararusimbuka, muri iki gitero bitangaje uburyo cyashobotse kuko iyi nyubako barimo ngo ubusanzwe iba irinze bikomeye. Iki gitero cyabaye mu gihe mu kindi gice cy'umurwa wa Damascus hari imirwano y'ingabo za Leta n'iza Free Syrian Army (FSA) bigometse ku butegetsi bwa President Assad, ari nabo bahise bigamba gutegura iki gitero. Mu gihe amakuru y'iki gitero yamenyekanaga i New York mu kanama k'umutekano ka Loni kari gateranye, Koffi Annan nk'umuhuza muri iki kibazo, yahise asaba ko imyanzuro ku bihano byafatirwa Syria yaba isubitswe. Urupfu rw’aba bagabo bari abizerwa bakomeye ba Preident Bashar al Assad ni urucantege mu ntambara akomeje kurwana n’abatamushyigikiye ndetse n’ibihugu bifite ijambo rinini ku Isi (usibye Uburusiya na Chine)  amwotsa igitutu ngo yegure ku neza cyangwa ku nabi. muramu wa President Asaad, Gen. Assef Shawkat wari Vice Ministre w’Ingabo nawe yahasize ubuzima/photo AFP AP Ubwanditsi UMUSEKE.COM

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions

Related Posts by Categories