Kimwe mu bintu bizafasha abaturage b'akarere ka ngororero mu kongera umusaruro uturuka ku buhinzi, guteza imbere imirire no kongera ubukungu n'ubworozi bw'amatungo atandukanye nk'uko bitangazwa n'umuyobozi w'aka karere bwana Gedeon Ruboneza. Nyamara kuko abaturage bose batuye aka karere atari ko bafite ubushobozi bwo kwibonera amatungo yo korora, niyo mpamvu akarere kiyemeje koroza abaturage bakennye kabifashijwemo n'izindi nzego zitandukanye. Kuri ubu, ngo ikizere ni cyose cyo kuzagera kuri uwo muhigo nk'uko Abishuka Jean Damascene, umukozi w'akarere ushinzwe ubworozi akaba ari nawe ukurikirana itangwa ryayo matungo abivuga.
Amwe mu matungo yatanzwe mu karere ka Ngororero
Imwe mu mpamvu Abishuka ashingiraho ni uko intego akarere kari gafite uyu mwaka yo kuzoroza inka abaturage 1000 ndetse bakoroza n'abaturage 2000 amatungo magufi, kuri ubu bamaze kurenza cyane urwo rugero kuko abamaze guhabwa inka ari 1295 naho amatungo magufi 3238 agizwe n'ihene, intama ndetse n'ingurube akaba ari yo amaze gutangwa. Ibi ngo bikaba bitanga ikizere ko imiryango 7000 yagaragajwe ko ikennye kuburyo itakwibonera itungo ryo korora ibarirwa muri aka karere yose izagerwaho niyi gahunda mu gihe kitarambiranye.
Munyengango Valens utuye mu murenge wa Gatumba akaba ari umwe mubahawe inka, avuga ko atari yizeye ko azagerwaho n'iyi gahunda ariko akaba yarabonye inka bitewe n'uko abayobozi bazitanga bakoresha ukuri. Kimwe n'abandi bazibonye ndetse n'abatarorozwa bakiri ku rutonde rutegereje bavuga ko uburyo amatungo atangwa ari ntamakemwa nabo bakaba bizeye kuzayabona.
Ikindi abayobozi ndetse n'abaturage bahawe amatungo mu karere ka Ngororero bishimira ni uko amatungo yatanzwe nta bibazo bikomeye nko gupfa yagiye agira bitewe nuko amatungo yabanzaga gusuzumwa uko ameze mbere yo kuyaha abaturage, kandi bakayahabwa baramaze kubona ubwatsi ndetse bagahabwa n'imiti imwe n'imwe.
Ubuyobozi bw'akarere ka ngororero bukaba bushimira ababufashije kubona ayo matungo bose kuko nko kunka 1295, akarere katanzemo 428 gusa, andi akava mu batera nkunga n'abafatanya bikorwa kandi bakemerera akarere kwitoranyiriza abahabwa amatungo hakurikijwe abayakeneye kurusha abandi.
Posts Related to Rwanda | Ngororero: Abatishoboye bose bazahabwa amatungo yo korora
APEL , Appui au Petit Elevage mu rurimi rw'igifaransa cyangwa Support to Small stock mu cyongereza ni umushinga utagengwa na reta wita ku gutazimbere abatuirage ...
Abaturage bo mu karere ka Gakenke barasabwa kwitabira ubworozi bw'amatungo magufi mu rwego rwo kwiteza imbere no kubona inyama. Ibyo babisabwe n'umuyobozi ushinzwe ubworozi mu ...
Ikigega cya Leta gishinzwe gutera inkunga abarokotse genocide batishoboye FARG, gikomeje kugabira inka abarokotse batuye mu karere ka Ngororero mu rwego rwo kubafasha kwikura mu ...
Umuryango Nyafurika w'Ivugabutumwa AEE Rwanda, ishami rya Bugesera, kuri uyu wa 11/6/2012 woroje inka n'ihene, imiryango ikennye igera ku 150, bibumbiye mu matsinda yo kwiteza ...
mu nama yabaye taliki 9 Gashyantare ubuyobozi bw'akarere ka Gatsibo bwasabye abafatanyabikorwa kugira uruhare mu bikorwa by'iterambere kandi bifasha abaturage kuzamuka mu iterambere hamwe no ...
0 comments:
Post a Comment