IGITUBA KIRARYANA-BANGAMBIKI

Abatakizi ntikibatinza
Abatagitinya baragitaka
Bakagihimbira bahimbawe

Hari abagikunda iyo banyoye
Bakinjira ahasamye hose
Bahitiranya no
mu nzu
Bagatabwa ku wa Kajwiga
Bagahinda umushyitsi mu museso
Bagakonja riva
Bwacya bakarwara bwacyi
Nk'abana bariye nabi

Hari abakihutira cyane
Bati ibi ni iki ko twatanzwe
Imboga nziza zibona abana

Iyi nkota ni iy'umuhanga
Uyikaraga nabi ntiguhange
Uyiraza ku musego nabi
Bwacya ikagusogota

Hari abagitoye kitabagoye
Iyo mu bagore bagowe
Binyongesha nk'amagare
Batamenya kubumba amaguru
Ngo ntibasonzanya ibisate
Ngo ntibararana ubusa amaribori

Igituba nk'iki kiratamaza
Ntigita amazi iminsi yose
Gisharira nk'umuravumba
Kikarura nk'umuvumavuma
Haramutse umuvumbi

Ni ikirura kidahuma
Gihongera abo gihotora
Kihutira guhutaza
Gitera gutagataga
Ukagenda nk'igitambambuga
Bakakurenza imboni abakureba

Barandahiye ngo kapote
Ni ukurira umunyu mu ishashi
Bawunyungutiye wose
Biranguza ubwo buryohe
N'ubwo bushebwe bwose
None basheshe ubuheri
Nk'abababwe n'ikinyabwoya
Umugabo utagira ubwoba ntagira ubwenge
Uzajye kureba abo cyanyonze
Abo cyatumbishije amatama
Abo cyatunuje amaso
Abo cyateye igituntu
Aho cyagaritse intumbi
Aho cyamaze intore
Aho cyoretse imbaga
Abo cyagize imbata
Abo cyambuye imbuto

BANGAMBIKI

Related Posts by Categories