Kuwa kabiri tariki 10 Nyakanga umukunzi wa Jay Polly witwa Afsa Nirere yibarutse umwana w'umukobwa. Yaba nyina w'umwana na Jay Polly ntawari watangaje ise w'umwana kugeza ubwo Jay Polly ubwe kuri uyu wa kane abwiye Umuseke.com ko umwana ari uwe.
Jay Polly n’umukunzi we mu gihe gishize
Inkuru imaze kumenyekana ko Nirere yibarutse, hatangiye kuvugwa ko umwana wavutse kuri uwo wa kabiri ahagana saa munani z'amanywa yaba ari uwa Jay Polly.
Nyamara uyu muraperi ukunzwe cyane, ndetse uri muri bane bari guhatanira igihembo cya PGGSS II, ntawe yigeze yemerera niba umwana ari uwe koko.
Kuri uyu wa kane, nibwo yabwiye umunyamakuru wacu ko icyo kibondo cyavukiye ku bitaro by’ababyeyi ku Muhima muri Nyarugenge ari icye.
Jay Polly na Nirere Afsa bamaze igihe bakundana, uyu muririmbyi biherutse no kuvugwa ko yaba ari umukunzi we, wamuhaye umwana, yaririmbiye indirimbo yitwa "You and I".
Jay Polly na Afsa bakundana kuva mu mwaka wa 2008
Plaisir MUZOGEYE
UMUSEKE.COM
0 comments:
Post a Comment