Ni izihe mpamvu zitera indwara y’umwingo?

Umwingo ni indwara ifata agasabo kaba mu gice cy’ imbere mu ijosi. Aka gasabo kakaba gakora imisemburo yitwa thyroxine ituma uduce tw’ umubiri twitwa uturemangingo nyefatizo tubasha gukora bigatuma umuntu akura bikanamurinda ubukonje cyangwa ubushyuhe bukabije buturuka mu mubiri ubwawo.

Nk’uko tubisanga mu gitabo cyitwa Anatomy and Physiology, cyanditswe na Stephen Tate, mu icapisho rya kane (2003), bavuga ko umwingo uri amoko abiri: ubwoko bwa mbere bw’umwingo buterwa no kubura imyunyu ngugu ya iode mu maraso, ibi bigatuma ako gasabo k’umwingo kabyimba kaza imbere (exterior of the neck) cyangwa kagana mu ijosi imbere (interior in the neck).

Ubundi bwoko bwo ngo buterwa no kwiyongera kw’ imisemburo ya thyroxine mu maraso. Icyo gihe na bwo ako gasabo karabyimba n’ amaso agaturumbuka (toxic goiter).

Mu bindi bimenyetso bigaragazwa n’ umurwayi w’ umwingo harimo:

- Kugira ubushyuhe bwinshi, haba mu gihe hakonje cyangwa hashyushye: ibi biba bitewe n’uko ya misemburo yabaye myinshi bigatuma umubiri ukora cyane.

-Kugira isesemi no gusonza cyane.

Umwingo ni indwara ikira bitewe n’urugero igezeho cyangwa n’icyawuteye. Mu gihe ufite umwingo uterwa no kubura imyunyu ngugu ya Iode, kwa munganga bashobora gushishikariza umurwayi kurya ibiryo birimo imyunyu ngugu ya iode ihagije ndetse no kugabanya ibiryo birimo imyunyu ngungu ya iode mike nk’amashu ndetse n’imyumbati.

Mu bundi buhanga ngo bashobora no kuwubaga ugakira.

Related Posts by Categories