CNDP n'indi mitwe yasinye amasezerano na leta ya Kinshasa

	drc, kabila, cndp, goma

Umutwe wa CNDP ukuriwe na Desire Kamanzi mu bya politike hamwe na General de brigade Bosco Ntaganda mu bya gisirikare, umaze gushyira igikumwe ku masezerano y'amahango bari bamaze igihe bumvikana na leta ya Kinshasa.

CNDP yahawe imbabazi, bemera ko n'abasirikare babo bagumana amapeti bari bafite, banumvikana ko igipolisi cyabo kigiye gushyirwa mu cya leta ndetse n'ishyaka ryabo rikemerwa n'amategeko muri iyi minsi 15 iri imbere.

Leta ariko yanze kugabana imyanya ya politike na CNDP, bemeranya ko izaba uko ishatse, leta yanze no kubaha imyanya y'abayobozi b'inzego z'ibanze nkuko CNDP yabyifuzaga.

Bamwe mu barwanashyaka ba CNDP bavuga ko bagihagaze kuri General Major Laurent Nkunda ubu ugifungiwe mu Rwanda, ariko bamaganye iyo mishyikirano, bavuga ko ari impfabusa.

Hari n'indi mitwe yitwaje ibirwanisho irwanira muri Kivu y'amajyaruguru yasinye andi masezerano ku ruhande rwayo na leta ya Kinshasa.

Iyo mitwe irimo Pareco n'imitwe itandukanye ya Mai Mayi

Isinywe ry'ayo masezerano ryari rihagarariwe n'umuhuza, wahoze ari umukuru wa Nigeria, Olusegun Obasanjo

source-BBC

Related Posts by Categories