IMIGENURANO VII

Umwana murizi ntakurwa urutozi.
Urugo rwarazwe imishino umwana avukana itanu.
Urugo rw' undi ruribwamo ntirusegetwamo.
Uruhahirwa na babiri iyo rutazanye ibinyoro ruzana mburugu.
Uruka ntafata uhitwa.
Uruliye abandi ntirukwibagiwe.
Uruma isi arahuha.
Urupfu rw' imbwa ni inyama.
Urutugu ntirukura ngo rurenge ijosi.
Urushyize kera ruhinyuza intwari.
Urwishe ya nka ruracyayirimo.
Urwishigishiye ararusoma.
Usanze nyina ashaje avuga ko inka za se zapfuye ubusa.
Useka usuze bwacya ukannya.
Urucira mukaso rugatwara nyoko.
Umunyabukorikori yirutse ku bimusiga, yihisha ibimubona, yihishurira ibyapfuye.
Umugore w' umusaza ntaherekeza urwenya.
Nta baronkera rimwe nk' abaca imisigati.
Umuhanga wo kurya arara akarabye.
Nari umugabo ntihabwa intebe.
Amaso y' igikeri ntabuza umuvomyi kuvoma.
Amasunzu si amasaka.
Amata make amena menshi.
Amata y' umukobwa aba imbere.
Amavuta y' umugabo ni amuraye ku mubiri.
Iyo amazi abaye make aharirwa impfizi.
Amazi arashyuha ariko ntiyibagirwa iwabo wa mbeho.
Amirariro atera amimaro.
Findi findi irutwa na so araroga.
Ayo ubwira umucuzi si yo ubwira umucuzikazi.
Igiti kigororwa kikiri gito.
Bagarira yose ntuzi irizera.
Baranyerera yaguye Jinja.
Mujinya wa Nyamwijinya yasanze umugore we yasambanye aragaca.
Barihima ni mwene Mujinya.
Bavuga ibyigondoye umuhoro ukarakara.
Batutira henshi ntibazamenya iyo bataye imihoro.
Bene amazuru meza ntibaburana n' ibya nyuma.
Bene imitsima bayitsimbarayeho.
Birabe ibyuya ntibibe amaraso.
Bucya bucyana ayandi.
Bucya bwitwa ejo.

Related Posts by Categories