IMIGENURANO II

Nta mugabo umwe.
Nta mugani uva ku busa.
Nta muheza w' iby' isi.
Ntugahandwe ku rurimi ikirenge gihari
Ubuto bw' isha ntibusobanura inzara.
Nta mwinjira ugira ijambo.
Nta mwiza wabuze inenge, na nyirahuku igira amabinga.
Nta nkokokazi ibika isake ihari.
Nta nkumi yigaya.
Nta nyama itarya umutsima.
Nta wanga umuruho ashyukwa.
Ntawe uhisha uwo ahishaho.
Ntawe urata inkovu z' imiringa.
Ntawe uribara nk' umuto waribonye.
Ntawe usesa uwo acyota.
Ntawe uta akanyaga atagahambuye.
Ntawe uyoberwa umwibye, ahubwo ayoberwa aho amuhishe.
Nta munyagara w' inyama.
Ukuri kunyura mu ziko ntigushye.
Uhishira umurozi akakumaraho abana.
Uburere buruta ubuvuke.
Ukize baraza. Gusobanura
Ubunwa bwagusomeye umugabo burakwongorera ntiwumve.
Ujya gutera uburezi arabwibanza.
Ujya kugaya impundu z' urukwavu abanza kureba imisaya ziturukamo.
Ukandagira agahungu ntahonyora.
Ukize ubusore arabubagira.
Uko umugabo aguye si ko amabya ameneka.
Ukorora acira aba agabanya.
Ukubarira akubeshya agira ati:nupfa tuzajyana.
Ukubise imbwa aba ashaka shebuja.
Uhisha mu nda imbwa ntimwiba.
Ukuri gushirira mu biganiro.
Uhonga umwanzi amara inka.
Ukuri ntikwica umutumirano.
Ukurushije umugore akurusha urugo .
Ukwanga atiretse arakubwira ati: cyo turwane.
Umanika agati wicaye wajya kukamanura ugahagarara.
Umubyeyi gito aremaza umwana igituba.
Umugabo arigira yakwibura agapfa.
Umugabo mbwa anyagiranwa n' abandi ati jye naboze.
Umugabo umwe agerwa kuri nyina.
Umugani ugana akariho.
Umugore bamukubitiye gusambana ati: nasekwa nutarakimeze.
Umugore ni nyampiga.
Umugore ni umutima w' urugo.
Umugore ni uw' umuryango.
Ukubwiye ubusa umusubiza ubundi.
Ubwiza bw' umukobwa ntibwamubujije kuruha.
Uburere bwiza bucisha imfura mu mwijima.
Uburo bwinshi ntibugira umusururu.
Ubusa burimara.

Ubusabusa buruta ubusa.
Ubushiki ni uburibwa.
Ubushyitsi buribwa ni muramu w' umuntu.
Ubutegetsi si ubukonde.
Ubwenge burarahurwa.
Ubwenge buza ubujiji buhise.
Akabikora kabizi gateka imboga karitse.
Ubwiza bw' intobo ntibuyibuza kurura.
Uhima inda arayirariza.
Ubyina iwabo arasebwa.
Ucira injiji amarenga amara ibinonko.
Ugusuriye ntumusurire akwita ikibura nnyo.
Uhiga ubutwari n' umugore aragarama.
Uhaze ikivuge ntabura ikivugo.
Ubwira umuzi ntavunika.
Uhagarikiwe n' ingwe aravoma.
Ucyenze rimwe ntaba akimaze.
Ugusuriye ntumwishyure akwita akarondwe.

Related Posts by Categories